Waadaa ganame kutaa 2ffaa

 kutaa 2ffaa 

Adeemsa keessa Baacaan gaaffii gaa'ilaa isheef dhiyeesse isheen garuu ammaaf 

qophii gaa'ilaa akka hin qabne itti himte. Innis yeroof gaddus fedha ishee daangessuu 

waan hin barbaadneef in obse. 

Baacaan ija laafessa ilmaati. Ol jedhee ija keessa nama hin ilaalu. Hojiin idilee isaa 

Hoteela Seenaa fuuldura taa'ee kophee qulqulleessuudha. Achittis maamiltoota 

hedduu horateera. Nama qoosaa jaallatuudha. Inni nama dhagaa haasofsiisudha ittiin 

jedhu namoonni. Eenyuyyuu muka'aa isa bira dhufee, akka dhufetti hin deebi'u. 

Maamiltoota isaa keessaa Kitilaan isa tokko dhiyeenya kana gara Magaalaa Mattuu 

dhufe. Amalliif Hojiin Baacaa isa waan booji'eef kophee Baacaa bira malee hin 

qulqulleeffatu. Kitikaan Gorsaaf Qoosaa Baacaa Xiinxalee gaafa Ilaalu Baacaan 

Nama Dandeettii addaa qabu, kan haalli danqe ta'uu isaa adda baafate. Darbee darbees 

Laaqana wajjin nyaatu. Hariiroon isaanii oolee bulee isa kaleessaa caalaa jabaachaa 

adeeme. Icitiis wal hin dhoksan. Kitilaan Hoogganaa waajira Caaltuun keessa 

hojjettuuti. Duraanis bifa ishee ilaalee Hojjettuu waaajjirichaa ishee taasise malee 

dandeettii cimaa qabaatteef miti. Ammas ilaalchi inni isheef qabu bulee ka'ee itti 

caalaa jira. Dhaabbi toleetttii intalaa, kan haasaan irraa bareedu, ta'uun ishee qalbii 

kitilaa Daraan booji'e. Waan nama goodaa jiru hundumaa yeroo barbaadanitti kan 

argatan waan namatti fakkaatuuf Kitilaanis gaaffii jaalalaa isheef dhiyeessuuf 

murteesse. Ba'uuf galuu ishee hamma tokko erga qoratee booda An Hoogganaa ishee 

waanin ta'eef nan diddu jedhee of amansiisee Gaaffii Jaalalaa dhiyeesseef. Isheenis 

diduufis ni danqamte, tole jechuufis ni rakkatte. Kitilaan akka isheen yeroo gabaabaa 

keessatti deebii kennuufi qabdu itti hime. yoo isheen isaa wajjin hariiroo jaalalaa 

qabaatte faayidaa isheen argachuu dandeessu hundumaa isheetti hime. Caaltuun gara 

itti gortu dhabde. Hariiroon isheef Hariiroon Baacaa Jalqabni isaa Faayidaa irratti kan 

hundaa'e ta'us Adeemsa keessa Jaalala Baacaan isheef qabu erga hubattee booda 

isheenis isa Jaallatteeti. Oolmaan ishee guyyaa guutuu Kitilaa wajjin waan ta'eef 

deddeebi'ee ishee rakkisuu jalqabe Kitilaan. Caaltuunis Jecha tokko ittiin jettee of 

irraa isa deebisuuf murteeffatte. Guyyaan isaa Facaasaadha ganama Akkuma waajjira 

5  

galteen Galmee To'annoof hordoffii yeroo irratti mallatteessitee gara kutaa ishee 

seente. Hojii baayyee waan qabduuf Bilbila isheerraa Muuzikaa banattee of bira 

keessaa Hojii ishee jalqabde. Kana gidduutti Kitilaaan Ergamtu waajjira isaa waamee 

akka isheen Caaltuu Gara kutaa hoogganaatti waamtuuf erge. Caaltuunis dhuftee 

akkuma Balbala kutaa Hoogganaarra geesseen Bilbila isheerratti bilbilame. Yemmuu 

ilaaltu Baacaadha. Bilbila ishee kaastee "dhiifama waan ofii koo hojii qabeen jira 

boodan siif bilbila" jettee bilbila cuftee kutaa hoogganaatti ol seente. Fuulli kitalaa 

Cilee uffate keessoo isaatti eenyu abbaa isheetiin Waan ofii koo jetti? Moo ana 

goyyomsuudhaaf mala kana malatte? Jedhee cicciniinnachuu eegale. Caaltuun 

olseentee teessuma abbaa dhimmaaf qophaa'e irra teessee " na barbaddee turte mitii....? 

Jetteen. Aariin isaa irraa beekama akka dheekkamsaatiin ati eenyuuf dursa kennita? 

Buddeen keef moo bilbilaaf? Akkamitti isa waamamteef dhiistee bilbila haasofsiifta? 

Ana tuffachuudha moo maal jechuudha jedhee dheekkame. Caaltuunis sagalee Ishee 

isa sagalee Daa'imaa caalaa Garaa nama moogessu sanaan Dhiifama si tuffadhee miti 

bilbilas ammoo baayyee hin haasofsiisne akkan hojii qabee jiru itti himeen cufe malee 

jetteen. Kitilaanis Hojii sitti kenname Gabaasa isaa amman barbaada naaf dhiyeessi 

jedheen. Isheenis hin xumurre waaree booda siifan kenna jetteen. Har'a darbuu hin 

qabu jedheen Kitilaan. Caaltuunis gara kutaa isheetti deebitee hojii isheetti gadi jette. 

Xiqqoo rifattee waan turteef isa Baacaan isheef bilbile ni dagatte. Sa'atiin hojiidhaa 

ba'an ga'eera garuu Caaltuun hin baane. Qulqulleessituun waajjirichaa kutaa 

hundumaa irra deemtee utuu cuftuu kutaa Caaltuu bira geesse Caaltuun of hin beektu 

Hojiidhaan muddamtee jirti. "Caaltuu yeroon ga'eera maaf hin galtu"? Sagalee 

Raggaatuuti Qulqulleessituu waajjirichaa. Akka rifachuu taatee Hojii kootu 

baayyeedha waaree booda gabaasa naaf kenni waan jedheef Hoogganaan amma 

xumuruun qaba jette Caaltuun. Raggaatuunis Maal Caaltuu koo Utuu laaqana hin 

nyaatin as ooltamoo? Jetteen isheenis lakki sa'tii 7:00 tti ba'een asumaa nyaadha 

jetteen. Caaltuunis Bilbila ishee fudhattee Baacaaf bilbilte. Baacaan bilbilli isaa akka 

gadodeen yemmuu ilaalu Caaltuudha. Oo maal ajajamu Giifti jedheen. Isheenis ol 

kottu Naannoo addabaabaayii xiqqaatti Laaqana wajjin nyaannaa jetteen. Baacaan 

yemmuu isheen akkas jettuun Kitilaa wajjin Hoteela DARFANII Laaqana nyaachaa 

6  

jira. Kitilaa dhiifama gaafatee dhimma ariifachiisaaf akka barbaadamaa jiru itti himee 

deeme. Daandii harka bitaa qabatee gara Caaltuutti miilla fuudhe. Caaltuunis Daandii 

Gara Hospitaala Karl Mattuutti Geessu irra dhaabbattee Ija facaasaa jirti. Baacaanis 

ishee fuulleetti argee daandii qaxxaamuruu jalqabe. Inni yaadaan adeemaa jira malee 

of hin beeku. Akkuma inni daandii guddicha walakkaa ga'een Sagalee xurumbaa 

konkokaataa gurra isaa irraa iyyu dhaga'e bar'isuuf yaadee koochoo dhabe, utaaluufis 

yaadee mogolee dhabe, hundumtuu uu.... uuuu..... jedhee iyye. 

Itti